Azərbaycan, Bakı, 3 dekabr /Trend, müxbir M.Əliyev/
Gürcüstan azərbaycanlılarının gündəmini işıqlandıracaq yeni /www.geoazeris.info/ xəbər saytı istifadəyə verilib.
Təsisçiliyikdən cümə günü Trend-ə bildiriblər ki, saytın yaradılmasında məqsəd azərbaycanlıların yaşadığı Gürcüstan regionlarının gündəminin, sosial problemlərinin hərtərəfli işıqlandırılmasıdır.
Saytda video və foto reportajlar, araşdırmalarla yanaşı, Gürcüstanın azərbaycanlı gənclər, qeyri-hökumət təşkilatları, ziyalıların fəaliyyəti barədə xəbərlər yerləşdiriləcək.
Bundan başqa regionda baş verən əsas proseslər də saytda yer alacaq. Yeni sayt Gürcüstanda fəaliyyət göstərən azərbaycanlıların təmsil olunduğu bütün qeyri-hökumət və gənclər təşkilatları ilə əməkdaşlıq edəcək. Sayt hələlik yalnız Azərbaycan dilində fəaliyyət göstərir. Yaxın vaxtlarda onun Rus dilində də versiyası fəaliyyətə başlayacaq.
Qeyri-rəsmi məlumata görə, Gürcüstanda 500 minə yaxın azərbaycanlı yaşayır.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
