İlham Əliyev Davosda Rusiyanın "LUKoil" şirkətinin prezidenti ilə görüşüb

İsveçrədə işgüzar səfərdə olan Azərbaycan Prezidenti İlham Əliyev cümə axşamı Davosda Rusiyanın "LUKoil" şirkətinin prezidenti Vahid Ələkbərovla görüşüb. Məlumatı AzərTAc Dövlət İnformasiya Agentliyi yayıb.

Görüşdə "LUKoil" ilə Azərbaycan arasında uzun illər səmərəli əməkdaşlığın və bu şirkətin ölkəmizə investisiya qoyuluşu istiqamətində uğurlu fəaliyyətinin olduğu vurğulanıb.

Görüşdə Azərbaycan Dövlət Neft Şirkəti ilə "LUKoil" arasında əməkdaşlığın hazırkı vəziyyəti və perspektivləri ilə bağlı fikir mübadiləsi aparılıb.