Azərbaycan, Bakı, 31 mart /Trend, müxbir K.Zərbalıyeva/
Azərbaycan və ABŞ hərbçiləri üçün birgə tədbirlər keçiriləcək.
Müdafiə Nazirliyinin mətbuat xidmətindən Trend-ə verilən məlumata görə, iki ölkə arasında Fərdi Tərəfdaşlıq Proqramına uyğun olaraq, hərbçilərimiz aprelin 4-dən dekabrın 2-dək ABŞ-da Suüstü əməliyyatlar üzrə zabit kursunda iştirak edəcəklər.
Azərbaycan-ABŞ iş planına əsasən, aprelin 6-dan iyunun 11-dək hərbçilərimiz Hərbi Hava Qüvvələrinin Komanda Qərargah Akademiyasında keçirilən kurslara qatılacaqlar.
Hərbi qulluqçularımız aprelin 4-dən avqustun 13-dək isə xüsusi təyinatlı zabit kursunda iştirak edəcəklər.