Azərbaycan, Bakı, 1 aprel /Trend, müxbir K.Zərbalıyeva/
Azərbaycan Xalq Cəbhəsi Partiyasının (AXCP) sədri Əli Kərimli və Müsavat Partiyasının (MP) başqanı İsa Qəmbər bu gün Bakı şəhər Baş Polis İdarəsinə dəvət ediliblər. Bu barədə Trend-ə İdarənin rəis müavini Yaşar Əliyev məlumat verib.
Rəis müavini bildirib ki, hər iki partiya sədrinin evinə rəsmi çağırış göndərilib və onlar saat 16:00-da Bakı şəhər Baş Polis İdarəsinə çağırılıblar.
Əliyev partiya sədrlərinin İdarəyə çağrılması səbəbi barədə məlumat verməyib və bildirib ki, bu haqda onlar idarədə məlumatlandırılacaqlar.