Azərbaycan, Bakı, 21 aprel /Trend, müxbir T.Hacıyev/
Bakı şəhər İcra Hakimiyyəti (BŞİH) İslam Partiyasına (AİP) kütləvi aksiya keçirməyə icazə verməyib. Bu barədə cümə axşamı Trend-ə Azərbaycan İslam Partiyasının sədr əvəzi Hacı Elçin Manafov məlumat verib.
Onun sözlərinə görə, BŞİH cümə günü partiyanın aksiya keçirməklə bağlı müraciətinə cavab verib.
Manafov qeyd edib ki, mayın 2-də partiyanın Baş Məclisi çağırılacaq və həmin məclisdə gələcəkdə atılacaq addımlarla bağlı qərar qəbul edəcək.
"Bundan sonra atılacaq addımlar Baş Məclisin qərarına müvafiq olacaq", - o vurğulayıb.
AİP aprelin 24-də kütləvi aksiya keçirməyə yer ayrılması üçün BŞİH-ə müraciət etmişdi.