Azərbaycan, Bakı, 6 dekabr /Trend/
Azərbaycanın ABŞ-dakı Fövqəladə və Səlahiyyətli Səfiri Elin Süleymanov bazar ertəsi günü ABŞ Dövlət Katibinin birinci müavini Uilyam Börns ilə görüşərək etimadnaməsinin surətini ona təqdim edib. Bu barədə Trend-ə Azərbaycanın Vaşinqtondakı səfirliyindən məlumat verilib.
Təqdimat mərasimindən sonra aparılmış söhbət zamanı tərəflər Azərbaycan ilə ABŞ arasında əməkdaşlığın bütün sahələrdə müsbət inkişafını məmnunluqla qeyd edib və gələcəkdə bu əməkdaşlığın gücləndirilməsinin vacibliyini vurğulayıblar.