Azərbaycan, Bakı, 28 fevral / Trend /
Ukrayna və Rusiya xüsusi xidmət orqanları Vladimir Putinə sui-qəsd hazırlayan terrorçuların planının qarşısını alıblar. Trend-in məlumatına görə, bu barədə bazar ertəsi Rusiyanın İctimai Televiziyası məlumat verib.
Telekanal bildirir ki, beynəlxalq axtarışda olan cinayətkarlar Odessada saxlanılıblar. Onların ifadəsindən məlum olub ki, onlar cinayət əməlini prezident seçkilərindən dərhal sonra Moskva şəhərində törətmək niyyətində olublar.
Araşdırma davam edir.