Azərbaycan, Bakı, 1 mart /Trend, müxbir E.Mehdiyev/
ATƏT-in Bakı ofisi ilə Yeni Azərbaycan Partiyası (YAP) arasında əməkdaşlığın perspektivləri müzakirə edilib.
Trend YAP-ın saytına istinadən xəbər verir ki, partiyanın sədr müavini - icra katibi Əli Əhmədov cümə axşamı ATƏT-in Bakı ofisinin rəhbəri Koray Tarqayı qəbul edib.
Görüşdə ATƏT-in Bakı ofisi ilə Yeni Azərbaycan Partiyası arasında əməkdaşlığın gələcək perspektivləri və həyata keçiriləcək birgə layihələr haqqında ətraflı fikir mübadiləsi aparılıb.