Azərbaycan, Bakı, 28 mart /Trend, müxbir M.Əliyev/
TürkPA-nın baş katibi Ramil Həsənov martın 29-31-də qurumun III plenar sessiyasına hazırlıq məqsədilə Qırğızıstanın paytaxtı Bişkək şəhərinə səfər edəcək. Bu barədə Trend-ə çərşənbə günü TürkPA-nın mətbuat xidmətindən bildirilib.
Səfər çərçivəsində TürkPA baş katibinin Qırğızıstan parlamentinin sədri Asilbek Zhenbekov, Qırğızıstanın xarici işlər naziri Ruslan Kazakbayev, TürkPA-nın İqtisadi, ticarət və maliyyə komissiyasının sədri Kojobek Rıspayev və III plenar sessiyaya hazırlıq məqsədilə yaradılmış Təşkilat Komitəsinin üzvləri ilə görüşü nəzərdə tutulur.
Səfərdə Ramil Həsənovu TürkPA baş katibinin müavini Bektemir Ziyadinov və Katibliyin əməkdaşları müşayət edəcək.
TürkPA-nın III plenar sessiyasının 2012-ci ilin iyun ayında keçirilməsi nəzərdə tutulur.