Azərbaycan, Bakı, 31 oktyabr /Trend/
Azərbaycan Prezidenti İlham Əliyev Əlcəzair Xalq Demokratik Respublikasının Prezidenti Əbdüləziz Buteflikaya təbrik məktubu ünvanlayıb.
"Ölkənizin milli bayramı - İnqilab günü münasibətilə Sizə və bütün xalqınıza öz adımdan və Azərbaycan xalqı adından ən səmimi təbriklərimizi yetirirəm. Ümidvaram ki, Azərbaycan-Əlcəzair dostluğu və əməkdaşlığının xoş ənənələrini davam etdirmək üçün bundan sonra da birgə səylər göstərəcəyik", - təbrikdə deyilir.
İlham Əliyev Əbdüləziz Buteflikaya möhkəm cansağlığı, işlərində uğurlar, dost Əlcəzair xalqına əmin-amanlıq və firavanlıq arzulayıb.