Azərbaycan, Bakı, 29 noyabr /Trend, müxbir A.Tağıyeva/
Türkiyənin terrorçu Kürd Fəhlə Partiyası (PKK) ilə silahı yerə qoymaq barədə razılaşmaya nail olmaq üçün bütün cəhdləri yaraqlılar tərəfindən sabotaj edilir. Trend-in "TRT Haber" telekanalına istinadən verdiyi məlumata görə, bu barədə Türkiyə Prezidenti Abdullah Gül bəyan edib.
Onun sözlərinə görə, PKK Türkiyədə uşaqları cəlb etməklə terrorizmin təbliğatı üzrə iş aparır.
Gül, həmçinin qeyd edib ki, Türkiyə bundan sonra da terrorizmlə mübarizəni davam etdirəcək və terrorizmin kökünü kəsmək üçün mümkün olan hər şeyi edəcək.