Azərbaycan, Bakı, 23 may /Trend/
ABŞ Prezidenti Barak Obama Quantanamo həbsxanasından məhkumların üçüncü ölkələrə köçürülməsi üzrə xüsusi nümayəndənin təyin edilməsi niyyəti barədə elan edib. Bu barədə Trend RİA Novosti-yə istinadən məlumat verir.
Obama terrorizmlə mübarizə məsələsi üzrə çıxışında deyib: "Mən Dövlət Departamenti və Müdafiə Nazirliyi yanında məhkumların üçüncü ölkələrə köçürülməsi üzrə yeni yüksək vəzifəli nümayəndə təyin edəcəyəm. O bu işdə məsuliyyət daşıyacaq və məhkumların köçürülməsinə nail olacaq".