Azərbaycan, Bakı, 26 iyun /Trend/
Rusiya və ABŞ diplomatları BMT TŞ-nin Holan sülhməramlıları ilə bağlı qətnaməsinin mətnini razılaşdırıblar. Trend-in RİA Novostiyə istinadən verdiyi məlumata görə, bunu Rusiyanın BMT-dəki daimi nümayəndəsi Vitaliy Çurkin deyib.
"Biz demək olar ki, mətni dəqiqləşdirmişik" - deyə o, BMT TŞ-nin Yaxın Şərq məsləhətləşmələrindən sonra bildirib.
Çurkinin sözlərinə görə, qətnamənin səsverməsinin iyun ayının 27-də keçirilməsi nəzərdə tutulub.
O, deyib ki, mətndə Suriya müxalifətinin Holan yüksəkliyinə gəlməsilə bağlı siyasi mətləblər var.
"Bununla biz razıyıq" - deyə Çurkin əlavə edib.