Azərbaycan, Bakı, 25 sentyabr /Trend, müxbir E.Tariverdiyeva/
Azərbaycanda qarşıdakı prezident seçkilərində rəsmi qeydiyyata alınmış namizədlərin yekun sayı 10 nəfər təşkil edib. Trend-in məlumatına görə, bu barədə ABŞ-ın CNN telekanalının reportajında deyilir.
Telekanal qeyd edir ki, seçkilərdə indiki dövlət başçısının rəqibləri seçicilər uğrunda ciddi mübarizə ilə üzləşiblər: "KİV-in məlumatına görə, sentyabrın 22-də Bakının Yasamal rayonundakı stadiona cəmi 1 500 müxalifət tərəfdarı toplaşıb".
CNN-in verdiyi məlumata görə, ilkin müstəqil sorğular Azərbaycan prezidentliyinə seçkilərdə iştirak edəcək namizədlərin heç birinin Prezident İlham Əliyevə ciddi alternativ olmadığını göstərir: "Bu yaxınlarda seçicilər arasında aparılmış sorğular göstərdi ki, Azərbaycan vətəndaşlarının 81,2 faizi ölkənin indiki Prezidenti İlham Əliyevə səs verməyə hazırdır, halbuki digər namizədlər 4 faizdən az səsə ümid edə bilərlər".
Süjetdə deyilir: "Azərbaycan hökuməti bəyan edib ki, oktyabrda siyasi hüquqlara, ədalətli və azad seçkilərə təminat verir və insidentlərin baş verməməsi və azad və ədalətli seçkilərə təminat vermək məqsədilə hüquq-mühafizə orqanlarının əməkdaşları üçün lazımi qaydalar da daxil olmaqla zəruri mexanizmləri tətbiq etməyə imkan verəcək".
Qeyd edək ki, Azərbaycanda prezident seçkiləri oktyabrın 9-da keçiriləcək.