Azərbaycan, Bakı, 4 fevral /Trend, müxbir S.Əhmədova/
Fevralın 4-14-də Azərbaycan Xarici İşlər Nazirliyi (XİN) ilə Bolqarıstan və Almaniya Xarici İşlər nazirlikləri arasında siyasi, Polşa Xarici İşlər Nazirliyi ilə isə siyasi və iqtisadi məsləhətləşmələr keçiriləcək.
Trend-in Azərbaycan XİN-in mətbuat xidmətinə istinadən verdiyi məlumata görə, siyasi məsləhətləşmələrdə Azərbaycan tərəfini nazir müavini Xələf Xələfov təmsil edəcək.
Polşa ilə keçiriləcək siyasi və iqtisadi məsləhətləşmələrdə Azərbaycan iqtisadiyyat və sənaye nazirinin müavini Niyazi Səfərov da iştirak edəcək.