...

MDB ölkələri birgə hərbi təlimlər keçirəcəklər

Siyasət Materials 11 Noyabr 2014 17:10 (UTC +04:00)
MDB Müdafiə Nazirləri Şurasının 67-ci iclasında Birliyin müdafiə nazirlikləri hərbi tərəfdaşlığın beynəlxalq hüquqi bazası üçün əsas yaradıblar.
MDB ölkələri birgə hərbi təlimlər keçirəcəklər

Azərbaycan, Bakı, 11 noyabr /Trend/

Moskvada MDB Müdafiə Nazirləri Şurasının 67-ci iclasında Birliyin Müdafiə nazirlikləri hərbi tərəfdaşlığın beynəlxalq hüquqi bazası üçün əsas yaradıblar. Trend-in RİA Novosti-yə istinadən verdiyi məlumata görə, bunu Rusiyanın müdafiə naziri Sergey Şoyqu deyib.

Onun sözlərinə görə, 2020-ci ilədək MDB iştirakçı ölkələrinin hərbi əməkdaşlığının konsepsiya layihəsi hazırlanıb və təsdiq edilməsi üçün dövlət başçılarına təqdim olunub.

S.Şoyqu qeyd edib ki, 2015-ci ilin avqust-sentyabr aylarında "Hərbi Birlik - 2015" adı altında döyüş atışı ilə birgə hərbi təlimlərin keçirilməsi təsdiq edilib. Hərbi təlimlər Rusiyanın Aşuluk poliqonunda keçiriləcək.

Digər tərəfdən, MDB ölkələrinin hərbi mütəxəssislərinin hazırlanmasının təkmilləşdirilməsi haqqında qərar qəbul edilib.

Ümumilikdə iclasda 20-dan artıq məsələyə baxılıb.

Məqalədə:
Xəbər lenti

Xəbər lenti