Bakı. Elçin Mehdiyev - Trend:
Azərbaycanın hakim Yeni Azərbaycan Partiyasının (YAP) yaranmasının 23 illliyi münasibəti ilə partiyanın rəsmi şəxsləri Fəxri Xiyabanı ziyarət ediblər.
Trend-in məlumatına görə, Yeni Azərbaycan Partiyasının İdarə Heyəti və Siyasi Şurasının üzvləri, partiyanın Qadınlar Şurası və Gənclər Birliyinin nümayəndələri, eləcə də partiyanın Bakı şəhəri üzrə rayon təşkilatlarının sədrləri YAP-ın yaranmasının 23 illiyi münasibətilə Fəxri Xiyabana gələrək, xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə əklil qoyublar.
Görkəmli oftalmoloq alim, akademik Zərifə xanım Əliyevanın da xatirəsi yad olunub, məzarı üzərinə gül dəstələri düzülüb.
