Bakı. Anaxanım Hidayətova - Trend:
Rumıniya və Azərbaycan arasında ənənəvi olaraq dostluq əlaqələri mövcud olub və bu əlaqələr strateji tərəfdaşlıq çərçivəsində daha da inkişaf edir.
Trend-in məlumatına görə, bu sözləri Rumıniyanın Azərbaycandakı səfiri Dan İanku deyib.
Onun sözlərinə görə, 2009-cu ildən bəri iki ölkə arasında çoxlu sayda yüksək səviyyəli səfərlər baş tutub.
Səfir deyib: “Rumıniya və Azərbaycan parlamentlər, xarici siyasət qurumları səviyyəsində intensiv dialoqu inkişaf etdirir. Müxtəlif sahələrdə qarşılıqlı əməkdaşlıq genişlənir. 2015-ci ildə ikitərəfli ticarət dövriyyəsi 161,3 milyon dollar təşkil edib. Azərbaycan Dövlət Neft Şirkəti ölkəmizdə öz fəaliyyətini genişləndirir.”
Rumıniya səfiri Dağlıq Qarabağ münaqişəsinə də toxunaraq bölgədə dondurulmuş münaqişələrin mövcudluğundan narahatlığını bildirib.