Bakı. Azad Həsənli - Trend:
Özəl Sektorun İnkişafı üzrə İslam Korporasiyasının (ICD) baş direktoru Xalid əl-Abudinin rəhbərlik etdiyi nümayəndə heyəti sabah Bakıya gələcək.
Trend-in hökumət mənbələrindən əldə etdiyi məlumata görə, ICD rəhbəri dekabrın 8-i keçiriləcək beynəlxalq investisiya konfransında iştirak edəcək.
Verilən məlumata görə, bu konfrans Azərbaycanda keçirilən ilk və ən iri belə tədbirdir. Bu konfrans ərəb investisiyalarının cəlb olunması məqsədi daşıyır.
Konfransın təşkilatçıları ICD, IDB Group Business Forum, “Azərbaycan İnvestisiya Şirkəti” və “AZPROMO”dur. Konfransda 200-dən çox şirkət nümayəndəsi və digər şəxslər iştirak edəcək.