...

Dini məbədlərdə çəkiliş aparılması ilə bağlı MTRŞ və Mətbuat Şurasına müraciət edilib

Siyasət Materials 21 İyun 2017 11:33 (UTC +04:00)
Dini Qurumlarla İş üzrə Dövlət Komitəsi (DQİDK) dini məbədlərdə çəkilişlərin aparılması ilə bağlı Milli Televiziya və Radio Şurasına (MTRŞ) və Mətbuat Şurasına məktub ünvanlayıb.
Dini məbədlərdə çəkiliş aparılması ilə bağlı MTRŞ və Mətbuat Şurasına müraciət edilib

Bakı. Elçin Mehdiyev – Trend:

Dini Qurumlarla İş üzrə Dövlət Komitəsi (DQİDK) dini məbədlərdə çəkilişlərin aparılması ilə bağlı Milli Televiziya və Radio Şurasına (MTRŞ) və Mətbuat Şurasına məktub ünvanlayıb.

Trend-in məlumatına görə, Komitə sədri Mübariz Qurbanlı jurnalistlərə bildirib ki, bəzən dini abidələrdə çəkiliş aparır, mahnı oxuyur və dini həssalığı nəzərə almırlar:

"Bu isə sonradan müəyyən problemlərin yaranmasına səbəb olur. Bütün dini abidələrdə, istər senaqoq olsun, istər kilsə, istərsə də məscid - çəkiliş apararkən diqqətli və həssas olmaq lazımdır ki, sonradan problemlər ortaya çıxmasın. Qanunda bununla bağlı məsələ əksini tapmayıb, ancaq bu, mənəviyyat məsələsi olduğuna görə, diqqətlə yanaşılmalıdır. Gələcəkdə bu məsələ ilə bağlı qanuna dəyişikliyin edilməsi nəzərdə tutulur”.

Məqalədə:
Xəbər lenti

Xəbər lenti