Bakı. Ləman Zeynalova - Trend:
Rusiya ilə Azərbaycan arasında əlaqələr davam edir.
Trend-in məlumatına görə, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinq zamanı Azərbaycanda səfirin təyin olunması ilə bağlı suala cavab verərkən deyib.
O vurğulayıb ki, Bakıdakı səfirlik öz işini davam etdirir: “Azərbaycanla münasibətlərimiz inkişaf edir, iş aparılır. Moskvada azərbaycanlı həmkarlarımızla əlaqələr davam edir”.
M.Zaxarova qeyd edib ki, səfirin rotasiyası prosesi gedir.
O əlavə edib: "Bu, Azərbaycandan olan həmkarlarımızla əlaqələrimizə və münasibətlərimizə təsir etməyəcək".