Bakı. Elçin Mehdiyev – Trend:
Azərbaycanda 5 milyon 309 min 434 səsvermə hüququ olan şəxsdən 50.78 faizi qadınlar, 49.22 faizi isə kişilərdir.
Trend-in məlumatına görə, bunu Mərkəzi Seçki Komissiyasının sədri Məzahir Pənahov MSK-nın bu gün keçirilən iclasında deyib.
Onun sözlərinə görə, Azərbaycanda mövcud olan daimi seçki məntəqələrinin ümumi sayı 5641-dir, 5 günlük yaradılan, yəni müvəqqəti məntəqələr bura daxil deyil.
M.Pənahov qeyd edib ki, Azərbaycanda 337 min 870 məcburi köçkün seçici var:
"Ən yaşlı seçici Bərdə rayonunun 94 saylı dairəsində səs verəcək 1894-cü il təvəllüdlü Allahverdiyeva Səmərqədir. Ən yaşlı kişi seçici isə Biləsuvar rayonunda 66 saylı dairədə səs verəcək 1900-cü il təvəllüdlü Qurbanov Səftərdir".