...

Deputatlar iki gün Milli Məclisdə müzakirələr aparacaq – GÜNDƏLİK

Siyasət Materials 30 May 2019 10:40 (UTC +04:00)
Bu gün Milli Məclisin növbəti plenar iclası keçiriləcək.
Deputatlar iki gün Milli Məclisdə müzakirələr aparacaq – GÜNDƏLİK

Trend-i buradan izləyin

Bakı. Elçin Mehdiyev - Trend:

Bu gün Milli Məclisin növbəti plenar iclası keçiriləcək.

Trend-in məlumatına görə, iclas iki gün davam edəcək.

İclasın əvvəlində deputatlar "Azərbaycan Respublikasının İnsan hüquqları üzrə müvəkkili (ombudsman) haqqında" və "Normativ hüquqi aktlar haqqında" Azərbaycan Respublikasının Konstitusiya qanunlarında dəyişiklik edilməsi barədə məsələyə baxacaqlar.

Daha sonra iclaslarda "Azərbaycan Respublikası Milli Məclisi deputatının statusu haqqında" və "Bələdiyyələrin fəaliyyətinə inzibati nəzarət haqqında" Azərbaycan Respublikasının qanunlarında dəyişiklik edilməsi, "İcra haqqında", "Hüquqi şəxslərin dövlət qeydiyyatı və dövlət reyestri haqqında", "Banklar haqqında", "Sığorta fəaliyyəti haqqında", "İnvestisiya fondları haqqında" və "Qiymətli kağızlar bazarı haqqında" Azərbaycan Respublikasının qanunlarında dəyişiklik edilməsi, o cümlədən "Azərbaycan Respublikasının 2018-ci il dövlət büdcəsinin icrası haqqında" qanun layihələri müzakirəyə çıxarılacaq.

Ümumilikdə iclasın gündəliyinə 26 məsələ daxildir.

Məqalədə:
Xəbər lenti

Xəbər lenti