...

Baş prokurorun müavini noyabrın 22-də Beyləqan və Xocavənd rayon sakinlərini qəbul edəcək

Siyasət Materials 18 Noyabr 2019 14:48 (UTC +04:00)
Baş prokurorun müavini noyabrın 22-də Beyləqan və Xocavənd rayon sakinlərini qəbul edəcək
Baş prokurorun müavini noyabrın 22-də Beyləqan və Xocavənd rayon sakinlərini qəbul edəcək

Bakı. Trend:

Azərbaycan Respublikasının Prezidenti cənab İlham Əliyevin tapşırığına və bölgələrdə vətəndaşların qəbulu cədvəlinə uyğun olaraq Baş prokurorun müavini Namiq Əsgərov cari il noyabrın 22-də saat 10:00-da Beyləqan rayon prokurorluğunun inzibati binasında Beyləqan və Xocavənd rayon sakinlərinin qəbulunu keçirəcək.

Baş Prokurorluqdan Trend-ə verilən məlumata görə, qəbulda vətəndaşların prokurorluq orqanlarının səlahiyyətlərinə aid olan müraciətlərinə baxılacaq.

Vətəndaşların qəbulla bağlı qeydiyyatı və Beyləqan rayonuna gəlmələrinin təşkili müvafiq rayon prokurorları tərəfindən həyata keçiriləcək.

Vətəndaşlar yaşadıqları ərazi üzrə rayon prokurorluqlarına yazılı və ya şifahi müraciət etməklə yanaşı, Baş Prokurorluğun Müraciətlərə baxılması idarəsinin 437-28-79 nömrəli telefonu və [email protected] elektron poçt ünvanı vasitəsilə də qəbula yazıla bilərlər.

Məqalədə:
Xəbər lenti

Xəbər lenti