...

Enerji məsələləri üzrə Avropa komissarı Azərbaycana səfər edəcək

Siyasət 23 Yanvar 2022 02:29
Enerji məsələləri  üzrə Avropa komissarı Azərbaycana səfər edəcək

Trend-i buradan izləyin

Bakı. Trend:

Avropa İttifaqı tərəfdaşları ilə bloka qaz tədarükünün artırılması imkanları ilə bağlı danışıqlar aparır.

Trend-in məlumatına görə, bu barədə Avropa Komissiyasının enerji məsələləri üzrə üzvü Kadri Simson Aİ enerji nazirlərinin qeyri-rəsmi toplantısının keçirildiyi Fransanın Amiens şəhərində mətbuat konfransı zamanı deyib.

Kadri Simson Avropaya qaz tədarükünün artırılması yollarını müzakirə etmək üçün fevralda Azərbaycan və ABŞ-da keçiriləcək konfranslarda iştirak edəcəyini bildirib.

Onun sözlərinə görə, nazirlər Ukrayna böhranının səbəb olduğu bazar qeyri-müəyyənliyini və son aylarda Rusiyadan tədarükün əhəmiyyətli dərəcədə azalmasını müzakirə etmək üçün Amiens şəhərində görüşüblər.

"Mesajım ondan ibarətdir ki, Avropanın etibarlı, yaxşı şaxələndirilmiş və dayanıqlı qaz infrastrukturu, habelə fövqəladə hallar zamanı aydın həmrəylik prosedurları var", - deyə o bildirib.

K.Simson əlavə edib: "Lakin biz son dərəcə diqqətli olmalı, risklərə hazırlığımızı artırmalı və üzv dövlətlər arasında həmrəyliyi gücləndirməliyik".

Məqalədə:
Xəbər lenti

Xəbər lenti