Bakı. Trend:
Türkiyə Prezidenti Rəcəb Tayyib Ərdoğan oktyabrın 20-də Zəngilan hava limanının açılışı üçün Azərbaycana səfər edəcək.
Trend-in məlumatına görə, bunu Türkiyə Prezidentinin mətbuat katibi İbrahim Kalın bu gün "A Haber”ə müsahibəsində bildirib.
O qeyd edib ki, Qarabağın bərpası istiqamətində müsbət işlər görülür.
"Qarabağın bərpası, iqtisadiyyatının dirçəldilməsi, məcburi köçkünlərin öz torpaqlarına geri qaytarılması Cənubi Qafqazda təhlükəsizliyi və sabitliyi daha da gücləndirəcək", - deyə İ.Kalın əlavə edib.