...

Azərbaycan müxtəlif ölkələrdə yaşayan qızılbaşların bir araya gətirilməsi üçün böyük işlər görür (FOTO)

Siyasət Materials 29 Noyabr 2023 11:23 (UTC +04:00)
Azərbaycan müxtəlif ölkələrdə yaşayan qızılbaşların bir araya gətirilməsi üçün böyük işlər görür (FOTO)
Elçin Mehdiyev
Elçin Mehdiyev
Bütün xəbərlər

Bakı. Trend:

Bizim ulu babalarımız Azərbaycan ərazisində yaşayıblar. Sonradan onlar dünyanın müxtəlif ərazilərinə yayılıblar. Azərbaycan bizim ana vətənimizdir.

Trend xəbər verir ki, bunu Qızılbaş Qlobal İrsi Təşkilatının İdarə Heyətinin üzvü, Pakistanın keçmiş federal katibi Ağa Sərvər Rza noyabrın 29-da Beynəlxalq Münasibətlərin Təhlili Mərkəzində Azərbaycan Qızılbaş diasporunun 20-yə yaxın nüfuzlu nümayəndəsinin iştirakı ilə keçirilən mətbuat konfransında bildirib.

O qeyd edib ki, Azərbaycan dünyanın müxtəlif ölkələrində yaşayan qızılbaşların bir araya gətirilməsi üçün böyük işlər görür.

“Dünyanın müxtəlif ölkələrində yaşayan Qızılbaşları bir araya gətirdiyinə görə Azərbaycana təşəkkür edən hər bir təşkilatın bir platforması olmalıdır. Azərbaycan da bu platformanın yaradılmasını təmin etdi. Bu bizə imkan verəcək ki, üzvlərimizi bu təşkilata daha çox cəlb edək", - deyə o, qeyd edib.

Qeyd edək ki, noyabrın 27-29-da Bakıda Ulu Öndər Heydər Əliyevin 100 illiyi çərçivəsində “Azərbaycanda qızılbaş irsi: tarixin izi ilə” mövzusunda beynəlxalq konfrans öz keçirilib.

Konfransda “Qızılbaş” Qlobal İrs Şurasının Pakistan, Türkiyə, ABŞ, Kanada, Birləşmiş Krallıq, Sinqapur və Əfqanıstan üzrə təmsilçiləri, Milli Məclisin deputatları, Qızılbaş irsinin Azərbaycan və Türkiyədən olan tədqiqatçıları, müxtəlif dövlət qurumlarının, qeyri-hökumət təşkilatlarının və beynəlxalq təşkilatların nümayəndələri iştirak ediblər.

Xəbər lenti

Xəbər lenti