Moskva. Trend:
Azərbaycan və Rusiya arasında əmtəə dövriyyəsi 4 milyard ABŞ dollarını ötüb.
Trend xəbər verir ki, bunu Azərbaycan Respublikasının Prezidenti İlham Əliyevlə Moskvada görüşündə Rusiya Federasiyasının Prezidenti Vladimir Putin deyib.
"Əmtəə dövriyyəmiz artır və artıq 4 milyard dolları ötüb. Rusiyanın Azərbaycan iqtisadiyyatına investisiyaları 6 milyard dollar təşkil edir. Hökumətlərarası komissiya aktiv şəkildə çalışır və həm real iqtisadiyyat sektorunda, həm kooperasiyada, həm də infrastrukturda bir çox maraqlı əməkdaşlıq sahələri mövcuddur", - Vladimir Putin bildirib.