Xankəndi. Trend:
Qərbdən olan təzyiqlər Gürcüstan hakimiyyətini qorxutmur.
Bunu Trend-ə açıqlamasında Gürcüstan Azərbaycanlıları Konqresinin sədri Əli Babayev Xankəndidə səfərdə olarkən deyib.
"Biz Gürcüstanda bir neçə hakimiyyət dəyişikliyi görmüşük", - o vurğulayıb.
O bildirib ki,2012-ci ilin oktyabrından sonra Gürcüstan daha yaxşı inkişaf etməyə başladı.
"Gürcüstanın dünyada bir çox ölkələrlə münasibəti yaxşıdır. Bəzi Qərb dövlətləri isə Gürcüstanın konstitusiyasına zidd gedərək, orada öz leyhlərinə işlər çevirməyə çalışırlar. Buna da nail olmurlar və təzyiq etməyə çalışırlar.
Bu təzyiqlər hazırkı Gürcüstan hakimiyyətini qorxutmur. "Gürcü Arzusu" partiyası 26 oktyabr parlament seçkilərində böyük qələbə qazanacaq. Gürcü xalqı öz birliyini bir daha onun ərazisində çaxnaşma yaratmaq istəyən dövlətlərə göstərəcək", - deyə o qeyd edib.
Qeyd edək ki, Gürcüstanda parlament seçkiləri 26 oktyabr tarixinə təyin olunub.