Bakı. Trend:
Bu günə olan vəziyyətə görə, Ümumdünya Şəhərsalma Forumunun 13-cü sessiyasında (WUF13) iştirak üçün 800-dən çox media nümayəndəsi akkreditasiyadan keçib.
Trend xəbər verir ki, bunu “WUF13 Azərbaycan” əməliyyat şirkətinin məzmun və media ilə əlaqələr üzrə baş meneceri Eldar Rəsulov WUF13-ə hazırlıq çərçivəsində ADA Universitetində təşkil olunmuş media nümayəndələri üçün məlumatlandırma sessiyasında bildirib.
E. Rəsulov qeyd edib ki, Bakıda keçiriləcək WUF13-ə akkreditasiya olunmuş kütləvi informasiya vasitələri nümayəndələrinin 70 faizdən çoxunu yerli media təşkil edir.
Onun sözlərinə görə, WUF13-də qeydiyyatdan keçmiş iştirakçıların ümumi sayı 21 min nəfəri ötüb ki, bu da forumun beynəlxalq miqyasda böyük maraq doğurduğunu göstərir.