Noyabrın 6-da keçiriləcək parlament seçkisində müşahidə aparmaq üçün hələ ki, 124 nəfər xarici müşahidəçi qeydiyyatdan keçib. Bu barədə Trend ə Mərkəzi Seçki Komissiyasının (MSK) beynəlxalq əlaqələr şöbəsindən məlumat verilib. Şöbənin müdiri Rövzət Qasımov bildirib ki, həmin nümayəndələr Müstəqil Dövlətlər Birliyinin (MDB), ATƏT-in və Seçki Sistemləri üzrə Beynəlxalq Fondun (İFES) müşahidəçiləridir. İki nəfər müşahidəçini isə ayrıca olaraq Gürcüstanın Mərkəzi Seçki Komissiyası göndərib.
Qeyd edək ki, seçki günü ATƏT-in xətti ilə 500 nəfər müşahidəçinin gəlməsi nəzərdə tutulub. Seçki günü yerli müşahidəçilərdən başqa, ABŞ-ın "Mitofski İnternational" şirkətinin və digər dövlətlərin qeyri-hökumət təşkilatlarının da müşahidəçiləri fəaliyyət göstərəcəklər.
