Naxçıvan Muxtar Respublikası Maliyyə Nazirliyində keçirilən kollegiyva iclasında nazir Xalid İskəndərov 2005-ci ilin yanvar-noyabr aylarında əvvəlki ilin müvafiq dövrü ilə müqayisədə ümumi daxili məhsulun istehsalı 25,2% artaraq, cari qiymətlərlə 1 trilyon 224 milyon manata çatdırıldıbını bildirib. Daxili məhsul istehsalının həcminin artması təbii ki, büdcənin gəlir planına da müsbət təsir göstərib. 2005-ci ildə bütün mənbələr hesabına Muxtar Respublika büdcəsinə 104959,3 milyon manat vəsait daxil olub. Bu da 2004-cü ilin müvafiq dövründən 10,5% çoxdur. 2005-ci ildə büdcə daxilolmalarının 80,6% və ya 84553,1 milyon manatı Vergilər Nazirliyi, 19,4%-i və ya 20406,2 milyon manatı isə Dövlət Gömrük Komitəsi tərəfindən təmin edilib.
Dövlət büdcəsinin təyinatı üzrə xərclənməsinə maliyyə nəzarəti hansı səviyyədə aparılması ilə bağlı çıxışlarda bu məsələyə də aydınlıq gətirilib. Qeyd olunub ki, hesabat ilində Maliyyə Nazirliyi tərəfindən iqtisadi və nəzarət işlərinin plana uyğun olaraq, vaxtaşırı təftiş və yoxlamalar aparılmış, nəticədə 121 milyon 669 min manat həcmində artıq əmək haqqı, ezamiyyə və xəstəlik vərəqələri üzrə ödəniş ödənildiyi, 10 milyon 685 min manat dəyərində materialın normadan çox silindiyi, 38 milyon 920 min manat qanunsuz xərclərə yol verildiyi, 2 milyon 18 min manat dəyərində ərzaq məhsulu, 22 milyon 247 min manat dəyərində yanacağın artıq silindiyi, maddi məhsul şəxslərin üzərində 2 milyon 467 min manat mal-materialın kəsir olduğu aşkar edilib. Bundan 173 milyon 102 min manatı büdcəyə bərpa edilmiş, digər hissəsinin isə bərpası tədbirləri davıam etdirilir.
İxlasda nöqsanlar da müzakirə olunub. Qeyd edilib ki, yerli maliyyə orqanlarının zəif nəzarətinin nəticəsidir ki, bəzi rayonlar üzrə vergi təədiyələri kəsirlə yerinə yetirilmiş, bir sıra yerli orqanlar tərəfindən ötən il büdcənin proqnozunun tətbiqində nöqsanlara yol verilib. Hesabat ilində idarə, müəssisə təşkilatlarda mühasibat uçotunun ikili sistemində qurulmasına baxmayaraq, bəzi müəssisələrdə mühasibat uçotu qanunun tələbləri səviyyəsində aparılmayıb.
İclasda NMR Ali Məclis aparatının iqtisadiyyat şöbəsinin müdiri Şükür Babayn\ev çıxış edərək Maliyyə Nazirliyinin görəcəyi gələcək işlərdən danışıb.