Neftçalada ötən ilin sonlarında aramsız yağan yağışlar nəticəsində rayonun Bankə, Mayak, Xıllı və Kürkənd qəsəbələrinin ziyan çəkmiş sakinlərinə kompensasiyalar verilməyə başlayıb. İlkin mərhələdə zərər çəkmiş 700 evə baxış keçirilərək, 284 evin sənədləri Respublika fövqaladə komissiyasına göndərilib. Komissiya təbii fəlakətin nəticələrini araşdıraraq, əhaliyə dəymiş ziyana görə 284 ailəyə ümuumilikdə 32.808 yeni azərbaycan manatı ayırıb. Həmin kompensasiya poçt vasitəsilə zərərçəkənlərə paylanılıb.
Rayonda zərər çəkmiş daha 220 ailəyə də yaxın günlərdə dövlət yardımı ediləcəyi gözlənilir. Hazırda ziyan dəymiş daha 70 evin sənədləri hazırlanaraq Respuublika Fövqaladə hallar Nazirliyinə göndərilib. Qeyd edək ki, verilən kompensasiyalardan razılıq edənlərlə yanaşı, narazı olanlar, hətta təbii fəlakətdən ziyan çəksələr də yardım almadıqlarını söyləyənlər də var. Neftçala rayon fövqaladə hallar komissiyasının sədri Qabil Məmmədov isə bildirir ki, əslində əhaliyə dəymiş ziyan bazar qiymətləri ilə dəyərləndirilib. Belə ki, həmin evlərin əksəriyyəti çiy kərpicdən olduğu üçün bazarda çiy kərpicin bir ədədinin qiyməti 300 manata olduğunu nəzərə alınır. Heç yardım almayanlara gəldikdə isə, komissiya sədri bildirib ki, qurunt suları tamamilə çəkildikdən sonra əraziyə yenidən əsaslı baxış keçiriləcək. Zərurət yaranarsa, əlavə kompensasiyalar da ödəniləcək.