Bütöv Azərbaycan Xalq Cəbhəsi Partiyası (BAXCP) 2006-cı il mayın 13-də parlamentə keçiriləcək təkrar seçkilərdə iştirak edəcək daha üç namizədini müəyyənləşdirib. Trend xəbər verir ki, artıq bununla BAXCP-nin namizədlərinin sayı 6 -a çatıb.
Qeyd edək ki, partiyanın Ali Məclis sədrinin müavini Bəhruz Cabbarov 103 saylı Gədəbəy seçki dairəsindən, Mərkəzi Nəzarət Təftiş Komissiyasının üzvü Dünyamalı İmaməliyev 9 salı Binəqədi seçki dairəsindən, partiyanın Gəncə şəhər təşkilatırnın sədri Eldəniz Quliyev isə 38 saylı Gəncə-Nizami seçki dairəsindən namizədliklərini veriblər.
Partiyanın İdarə Heyətinin növbəti toplantısında 9 saylı Binəqədi ikinci seçki dairəsindən partiyanın beynəlxalq məsələlər üzrə katibi Elçin Mirzəbəyli, 42 saylı Sumqayıt ikinci seçki dairəsindən partiaynın baş katibi Zöhrab Abdullayev və 44 saylı Sumqayıt-Abşeron seçki dairəsindən "Xalq Cəbhəsi" qəzetinin redaktoru Arzu Şirinova namizədliyi təsdiqlənib.
BAXCP-nin digər iki dairədən də namizədlərini irəli sürəcəyi gözlənilir.