Azərbaycan Demokrat Partiyası Ali Məclisinin üzvü Zəminə Dünyamalıyeva, müsavatçılar Mahmud Hacıyev, Fəhmin Hacıyev və "Amal" Ziyalılar Hərəkatının lideri Xalid Əlimirzəyev Azərbaycan Yolu Siyasi Hərəkatın Koordinasiya Şurasının üzvü seçiliblər. Bu barədə Trend ə adıçəkilən hərəkatın mətbuat xidmətindən bildiriblər.
O da qeyd olunub ki, adıçəkilən hərəkat Xocalı soyqırımı ilə bağlı fevarlın 22-də soyqırımda qətlə yetirilən 63 uşağın toplusunun təqdimatını, fevralın 24-də Azərbaycan Dünyası Qalareyasında Azərbaycan rəssamlarının məlum faciəyə həsr etdikləri rəsm əsərlərinin sərgisini və fevralın 25-də "Kəmalə-Nərmin" şadlıq evində "Azərbaycanın ərazi bütövlüyünən bərpası və onun həlli yolları" mövzusunda form keçirəcək.
"Qarabağ" Ümumdünya Etiraz Aksiyaları çərçivəsində fevralın 24-də Moskvada BMT nümayəndəliyinin qarşısında soydaşlarımızın etiraz aksiyası keçiriləcək. Eyni tarixdə həm də Kanadanın Feyerbax şəhərində, 25-də İzmirdə, Norveçin Oslo şəhərində və 26-da Ukraynada soydaşlarımızın etiraz aksiyası keçirəcək.
Trend-in ən mühüm və maraqlı xəbərlərini "Telegram"da izləyin
.jpg)
