2001-ci ildə tikilən Gəncə Olimpiya İdman kompleksində üzgüçülük hovuzu və çöl meydançaları yox idi. Ötən ilin yanvarında ölkə başçısının göstərişi ilə kompleksin yaxınlığına yeni üzgüçülük hovuzu tikilməyə başladı. Hazırda tikinti işləri başa çatıb.
Olimpiya kompleksinin direktoru Sahib Axundovun dediklərinə görə, mart ayının axırında tikinti təhvil veriləcək. Sonra isə onun ətraında açıq şəraitdə yarışlar keçirmək üçün meydançalar tikiləcək.