Hazırda Gəncədə qazonlaşdırma işi intensiv gedir. Şəhər Yaşıllaşdırma İdarəsindən verilən məlumata görə, bu il Gəncənin mərkəzi və ətraf küçələrində təxminən 4500 m2 ərazidə yeni qazon örtük salınıb.
İdarənin baş aqronomu Arif Qasımovun sözlərinə görə, iyun ayına kimi şəhərin əksər səkilərində boş sahələrə yeni yaşıl örtük salınacaq. Qazonlaşma işi ilə yanaşı bu günə kimi küçə və xiyabanlarda 10200 dekerativ, 1600 həmişəyaşıl ağac əkilib. Aqronom bildirir ki, bunardan başqa 75200 ədəd müxtəlif növ çiçək kolları saxsı qablarda əkilərək mağaza və təşkilatların qarşısına qoyulub.
Arif Qasımov onu da qeyd edib ki, şəhər İH başçısı Eldar Əzizovun göstərişi ilə bu ilin sonuna kimi Gəncədə qazonlaşdırma işi və gül-çiçəklərin əkilməsi prosesi sona çatacaq.
