Bu gün Gəncə şəhər İcra Hakimiyyətinin başçısı Eldar Əzizov və şəhər içtimayətinin nümayəndələri Milli Qurtuluş günü münasibətilə şəhərin mərkəzindəki Heydər Əliyev meydanında olaraq ulu öndərin heykəli önünə əklil qoyublar.
Eldar Əzizov bildirib ki, Qurtuluş günü Azərbaycan xalqının həyatında mühüm əhəmiyyətə malikdir. Milli qurtuluş ümummilli liderimiz Heydər Əliyevin sayəsində mümkün olub. Əzizov qeyd edib ki, Heydər Əliyevin inadlı mübarizəsi nəticəsində qorunub saxlanılan müstəqilliyimiz əbədi olacaq. Çünki ölkəmiz hazırda etibarlı əllərdədir. Heç bir mənfur qüvvə bizə müstəqillik yolumuzda mane ola bilməz.