Son üç gün ərzində Gəncə Dövlət Yol Polisi Xidməti əməkdaşlarının keçirtdiyi reydlər zamanı 28 sərxoş sürücü saxlanılıb. Bu məlumatı YPX-nın rəisi İkram Xəlilov verib. Onun sözlərinə görə, yay mövsümünün girməsi ilə əlaqadar Göygöl-Gəncə yolunda mütəmadi belə tədbirlərin keçiriməsi planlaşdırılır. Bu da istirahətə gələn sürücülər arasında sərxoşluq hallarının aradan qaldırılmasına xidmət edəcək.
Xəlilovun dediyinə görə, 3 gün ərzində saxlanılan sürücülərdən bir qismi cərimə olunub, bir neçəsi sürücülük vəsiqəsindən məhrum edilib. Kənar şəhər və rayonlardan gələn sürücülərin sənədləri isə aidiyyatı üzrə həmin ərazi Dövlət Yol Polisi Xidmət idarələrinə göndərilib. Reydlərin sentyabr ayına kimi davam etdiriləcəyi nəzərdə tutulub.
