Xanlar rayonunda fəaliyyət göstərən "Aqrokombinat" müəssisəsi rayonda yeni üzümlüklər sahəsi salmağa başlayıb. Kombinatın rəhbəri Ceyhun İsmayılovun verdiyi məlumata görə, hələlik 300 hektar sahə seçilib.
Hazırda şum işləri aparılır. İsmayılovun sözlərinə görə, üzümlüklər salmaq üçün təxminən 1 milyon dollardan çox vəsait ayrılıb. Üzümlüklərin əksər hissəsini şərab sortları təşkil edəcək. Az miqdarda isə süfrə sortları olacaq. Tinglərin alınması üçün artıq Fransanın "Kontard qardaşları" şirkəti ilə müqavilədə imzalanıb.
Hər birinnin qiyməti 1 manat 40 qəpik olmaqla 600 min şərablıq üzüm sortları həmin ölkədən alınacaq. 200 min üzüm tingi isə yerli sortlardan ibarət olacaq.
