Naxçıvan Sərhəd Diviziyasının yaradılmasının 14 ili tamam oldu. Trend xəbər verir ki, bu münasibətlə Naxçıvan Sərhəd Diviziyasında keçirilən tədbirdə diviziyanın komandiri qeneral-mayor Məhəmməd Abbasquliyev şəxsi heyəti təbrik edib, ilk milli sərhəd dəstəmiz - Naxçıvan Sərhəd Dəstəsinin yaranma tarixindən danışıb.
Sərhəd Diviziyasına müasir tələblərə cavab verən gərargah binası, zəruri avadanlıqlarla təchiz edilmiş 51 çarpayılı xəstəxana, 1000 yerlik əsgər yeməkxanası və digər sosial obyektlər verilib.
Xidməti döyüş fəaliyyətlərində fərqləndiklərinə görə, hərbi qulluqçulardan bir nəfər "Sərhəddə fərqlənməyə görə", 3 nəfər "Hərbi xidmətdə fərqlənməyə görə", 15 nəfər "Silahlı Güvvələrin 10 illik yubileyi", 7 nəfər isə "Xüsusi xidmətə görə" 3-cü dərəcəli medalları ilə təltif edilib. General-mayor Abbasquliyev medalları zabitlərə təqdim edib. Bir çox əsgər və zabit isə nümünəvi hərbi xidmət göstərdiklərinə görə fəxri fərmanla təltif edilib.