Oktyabrın 6-da 59 saylı Salyan dairə seçki komissiyası Salyan şəhər və Quyçu bələdiyələrinə təkrar, Kürqaraqaşlı və Cənqəm bələdiyyələrinə isə əlavə seçkilər keçirib.
Xatırladaq ki, Salyan bələdiyyəsinə 15 yer uğrunda 34, Cənqəm bələdiyyəsinə isə 7 yeri yer uğrunda 14 namizəd yarışırdı. 59 saylı dairə seçki komissiyasının sədri Salamat Kərimovun verdiyi məlumata görə, ümumilikdə dairə üzrə seçkidə 20 min 356 seçicidən 3 min 754, yəni 18 % iştirak edib. Salyan bələdiyyəsinə seçilənlərin 10 nəfəri YAP üzvü, 2 - bitərəf, 1 - AMİP, 1 - Klassik Xalq Cəbhəsi, 1 - Sosial Rifah partiyalarının üzvləridir. Namizədliyini Salyan şəhər bələdiyyəsinə irəli sürmüş 4 nəfər Müsavat üzvü isə nəinki bələdiyyə üzvü ola bilməyib, hətta ən az səs alanlar sırasındadırlar.
Quyçu bələdiyyəsinə üzv seçilənlərin isə 5 YAP üzvü, 2 nəfər bitərəfdir.