Gəncədə müxtəlif sahələr üzrə 24 obyekt özəlləşdiriləcək. Bu barədə məlumatı Trend ə Dövlət Əmlakının İdarə Edilməsi üzrə Dövlət Komitəsinin 6 saylı Ərazi Yerli Şöbəsinin rəhbəri Elçin Süleymanov verib. Onun sözlərinə görə, özəlləşdiriləcək obyektlərin sənədləri hazırlanıb və müəssələrin qiymətləndirilməsi başa çatdırılıb.
Süleymanovun sözlərinə görə, sənədlər Dövlət Əmlakının İdarə Edilməsi üzrə Dövlət Komitəsinə göndərilib. Hələlik Komitədən özəlləşdirmə prosesinə başlanmasına dair müsbət rəy gəlmədiyini bildirən müsahib qurum tərəfindən müvafiq göstəriş verildikdən sonra sözügedən obyektlərin özəlləşdirilməsinə başlanılacağını qeyd etdi.
Gəncədə səhiyyə, təhsil, idman və mədəniyyət sahələrinə aid olan özəlləşdiriləcək müəssələr bunlardır: Gəncə şəhər Stomotoloji Poliklinikası, "Metalurq" mədəniyyət və İdman Kompleksi, "Gəncə" kionoteatrı, "Qələbə" kinoqurğusu, şəhərin ikinci hissəsindəki yay kinoqurğusu, "Arzu" kinotetarı, "Dəmiryolçu" kinoqurğusu, "Azərbaycan" kinoqurğusu, 1,9,11 saylı körpələr evi və 12 uşaq baxçasıdır.
