Ermənistanın müdafiə naziri ilə keçirilən görüş zamanı ilk olaraq qaldırılan və müzakirə olunan məsələ Ermənistanın işğalçı qüvvələrinin Azərbaycanın işğal olunmuş ərazilərindən çıxarılması məsələsi olub. Trend in xəbər verdiyi kimi, bu barədə bu gün Azərbaycanın müdafiə naziri Səfər Əbiyev açıqlama verib.
O, həmçinin bildirib ki, iki həftədən sonra onun da iştirak edəcəyi MDB-yə üzv ölkələrin müdafiə nazirlərinin görüşü keçiriləcək. Bundan başqa, GUAM çərçivəsində sülhməramlı taborun yaradılması məsələsini müzakirə etmək üçün, təşkilata üzv ölkələrin baş qərargah rəis müavinlərinin iclasının Bakıda keçirilməsi məsələsi müzakirə olunur.
Hal-hazırda taborun əsasnaməsi üzərində iş aparılır. Əsasən, ştat məsələləri müzakirə olunur.