Dağlıq Qarabağ münqişəsinin həlli başqa ölkələrdən asılı deyil, bu, Azərbaycanın xüsusi işidir və ölkə bu münaqişəni özü həll etməlidir. Trend in xəbər verdiyi kimi, bu barədə noyabrın 2-də Bakı Dövlət Universitetində çıxışı zamanı Azərbaycanın xarici işlər nazirinin müavini, ölkənin ABŞ-dakı keçmiş səfiri Hafiz Paşayev bəyan edib.
"Azərbaycan bir ölkə kimi özünü təsdiqləyib və daha güclü dövlət kimi təsdiqləməklə münaqişəni özü həll edəcək - deyə diplomat bildirib.
"Qafqaz Evi"nin yaradılması mümkünlüyünü şərh edən nazir müavini ölkə rəhbərliyinin mövqeyini bir daha təsdiqləyib və bəyan edib ki, indiki şəraitdə Azərbaycan Ermənistanla heç bir əməkdaşlıq qurmayacaq.