Tovuz rayonunda Qarabağ əlilləri və şəhid ailələri üçün yaşayış binası tikilir. Bu barədə məlumatı Trendə rayon İcra Hakimiyyətinin başçısı Həmid Bağırov verib.
Müsahib bildirib ki, aparılan araşdırmaya əsasən, bu kateqoriyaya aid 160 ailənin mənzilə ehtiyacı var. "Rayonda bununla bağlı komissiya yaradılıb. Mənzilə ehtiyacı olan Qarabağ əlilləri və şəhid ailələrinin siyahısı hazırlanır. İlkin olaraq 2007-2008 ci illərdə 60 ailə mənzillə təmin olunacaq. Onlardan 24-ü 2007-ci ildə, qalan 36-sı isə 2008-ci ildə mənzillə təmin olunacaq" - deyə H. Bağırov bildirib.
Əlill və şəhid ailələri üçün bina rayonun mərkəzindəki Heydər Əliyev prospektində tikilir.