Bərdə rayonunun bazarında kənd təsərrüfatı mallarının qiyməti 30-40% bahalaşıb. Trend in bölgə müxbirinin verdiyi məlumata görə, bazarda əvvələr 1 kq kartof və yaxud soğanın qiyməti 70 və 40 gəpik idisə hazırda bazarda onların qiyməti 1 manata və 80 gəpiyə satılır.
Satıcılar qiymətin bahalaşmasını Respublikada yanacağın qiymətinin artması ilə əlaqədar olduğunu bildirir. Bərdə bazarında 10 ilə yaxındır ki, kənd təsərrüfatı məhsulunun satıcısı olan Sadıqov Məhərrəm Trendə müsahibəsində bildirib ki, satdığı məhsulları Bərdə və digər kəndlərindən alıb gətirir. Artıq bir neçə gündür ki, kənd sakinləri əkib becərdiyi məhsulun qiymətini də qaldırıb. O cümlədən aldığı kənd təsərrüfatı mallarını bazara gətirib çıxartmağda yanacağın qiyməti artdığından əvvəlki qiymətdən baha başa gəlir. Bunun üçün də məcbur qalıb satdığı məhsulun qiymətini qaldırmalı olur.
