Naxçıvanda 1062 şagird yerlik məktəb və Konservatoriya binaları inşa ediləcək. Trend in Naxçıvan Bürosunun məlumatına görə artıq bununla bağlı Naxçıvan MR Ali Məclisi Sədri Vasif Talıbov tapşırıq verib.
Ali Məclis Sədri Naxçıvan şəhərindəki Çənlibel məhəlləsinə gələrək 14№-li məktəbin tikintisi üçün ayrılan ərazidə tikinti layihəsi ilə tanış olub, inşaat işlərinin aparılması barədə tapşırıqlar verib. Dörd mərtəbəli, 1062 şagird yerlik məktəb binasının tikintisi "Gəmiqaya LTD" şirkətinə həvalə edilib.
Ali Məclis Sədri Naxçıvan Dövlət Universitetinin konservatoriyası üçün inşa ediləcək əraziyə də baxıb. Vasif Talıbov binanın inşasının cari ilin oktyabr ayında başa çatması üçün tapşırıqlar verib.
