Milli Televiziya və Radio Şurası ANS televiziyası və radiosunun tezliyinə elan olunmuş müsabiqənin nəticələri ləğv olundu. Bu barədə Trend ə Milli Televiziya və Radio Şurasının sədri Nuşirəvan Məhərrəmli məlumat verib.
Teleradio Şurasının bu gün - fevralın 9-da keçirilən iclasında ANS-in tezliyinə elan olunmuş müsabiqənin yekunları müzakirəyə çıxarılıb və toplantıda ANS-in təsisçiləri iştirak etməyib. ANS-in tezliyinə yenidən müsabiqə elan olunması barədə qərar çıxarılıb
Qeyd edək ki, Teleradio Şurası ötən il noyabr ayında ANS-in teleradio yayımı haqqında qanunun tələblərini pozduğunu əsas gətirərək telekanalın yayımının dayandırılması və onun tezliyinə müsabiqə elan olunması barədə qərar çıxarmışdı.