Gəncə çayın 4 km uzunluqda məcrası yenidən qurulacaq. Bu barədə məlumatı Trend in Qərb Bürosu Gəncə şəhər İcra Hakimiyyəti başçısının müavini İlham Əliyev verib.
Müsahib bildirib ki, Layihə İnstitutu tərəfindən hazırlanan sənədlər artıq Nazirlər Kabinetinə təqdim edilib və bu yaxınlarda işlərin görülməsi üçün vəsaitin ayrılması barədə sərəncam olacaq.
"Gəncə çayının sağ və sol sahillərində ümumən 8 km olmaqla dəmir beton istinad divarları çəkiləcək. Mövcud olan 5 ədəd körpü müayinə edilərək əsaslı qaydada bərpa olunacaq. Bundan başqa çayın vadisində yeni artezian quyular qazılıb istifadəyə veriləcək ki, bunun nəticəsində də Gəncə çayında şəlalərin yaradılması mümkün olacaq. Həmçinin sahil boyu parklar, istirahət güşələri salınacaq, uşaqların əylənməsi üçün xüsusi atraksyonlar və s. qurulacaq" deyə İ. Əliyev bildirib.
